Hallo vriende en familie. Renda verander nou regtig in 'n klein mensie! Sy is pragtig en het wakker,lewendige ogies wat alles rendom haar raaksien. Hierbo ontspan sy heerlik op pappa en mamma se bed. Sy le graag in die donkie wat haar tannie Elize spesiaal vir haar gemaak het.
Renda geniet dit baie om te bad! Hier is tannie Elize besig om haar hare te was. Dit is vir my heerlik dat Elize orals help waar sy kan. Dit gaan soms holderste bolder en dan druk ek op haar knoppie.
Ek kies elke more 'n outfit vir die dag. Hier kyk ons net of dit die een is! Het al gebeur dat ons 5 keer oor aantrek todat ons altwee tevrede is!
Hier is ons in een van die gunsteling pakkies. Lyk nes 'n regte ou dogtertjie.
Kom nou, kyk mooi vir die kamera.
Sy geniet die speelmat baie. Soms skop die voete iets raak of die hande stamp iets raak, dan beweeg als! Sy raak opgewonde as die dinge gebeur.
Ek het nooit die kamera saam geneem toe ons gegaan het vir die inentings nie! Sjoe julle maar dit het katte en honde gereen. Ek het 'n afspraak gemaak by storks nest by UNITAS hospitaal vir Woensdag 26 Jan. Dit was 'n pragtige suster wat ons gehelp het en die inentings gegee het (3 van hulle!!) Sussie het vir die eerste keer gehuil dat daar trane in haar ogies was. Ek het alles mooi hanteer en nie 'n traan gestort nie. Ouma Arenda het darem ook saam gegaan. Ek dink Sussie het die inentings mooi hanteer. Daar was nie Baie ongemaklikheid of koors en sulke dinge nie. Ek is baie dankbaar daarvoor.
Ons moet darem een aktiwiteit doen, so ek het ons ingeskryf vir Kindermusik klasse! Ons begin Maandag 31 Januarie. Sal definitief onthou om fotos te neem en aan te stuur sodat julle kan sien wat ons in die klasse doen. Ons is baie opgewonde en kan nie wag om te begin nie!
Dit gaan goed met die voedings en Sussie slaap al langer deur die nag. (gooi nou natuurlik my dagvoedings biki omver, maar nou ja, sal dit vinnig weer fix tot in 'n mooi roetiene). Alles verder goed hier by ons sonder Thys by die huis. Ons mis hom baie maar cope mooi.
Sal weer later nuus aanstuur oor die doen en late van Renda!
Liefde vanuit die de Beer huishouding
No comments:
Post a Comment