Hallo almal. Darem weer so biki nuus vanuit die de Beer huishouding. Dit gaan goed hier en ons is gesond en lekker aan die gang. Thys was by die huis en ons het gewerk dat dit klap. Die badkamers is nog nie klaar nie, maar die hoofbadkamer kan ons gelukkig gebruik. Sal maar die werk klaar maak as Thys weer hier is November maand. Vir nou trek ek maar net die deure toe!
Op die foto staan ons voor die kerk waar JW gedoop is die 26ste Augustus. Dit was 'n heerlike dag en die geleentheid was baie mooi en spesiaal.
Net nog 'n foto waar mamma ok in die prentjie is.
Die rokkie wat Renda aan het was Elize s'n toe sy ook so groot was. Ouma Arenda het dit al die jare so mooi opgepas en bewaar. Die strikkie het ouma Bettie vir haar saam gebring van Amerika af.
Dit was 'n Baie warm dag toe ons in die teetuin gaan eet het. Kyk net Poeksie se rooi gesiggie!
Nou ja, niks soos 'n lekker roomys om die hitte te breek nie. Hier deel Renda saam met tannie Elize.
Ag, dis lekker mamma!
Renda kuier saam met JW op die bank. Lyk darem asof hy dit vreeslik geniet!
Ons eet Pizza!
Renda en JW speel met die balle en stokke. Dit was GROOT pret en het gesorg vir lekker lag!
Hier kuier Renda, JW en Karla heerlik saam.
Badtyd is nog altyd die hoogtepunt van die dag!
Renda wil self eet met 'n mes en 'n vurk! Het maar vir haar plastiek goedjies gegee om mee te probeer.
Hier is Renda en Mamma
Renda en Pappa kuier lekker saam op die trap.
Glimlag vir die kamera!
Renda eet lekker koekies buite op die gras.
'n groot bederf toe pappa hier was, was koffie en beskuit in die bed in die oggende!
Renda het een oggend die bum cream in die hande gekry en haarself van kop tot tone vol gesmeer!!
Lekker fietsie ry in die gang!
Hier het ons vir pappa gaan aflaai by die lughawe toe hy terug gevlieg het Ivoorkus toe.
Nou ja, sal later weer nuus aanstuur
liefde vanuit die de Beer huishouding!
