13 November 2011

 

Hallo vriende en familie! Sjoe!! ons kry ongelooflik warm die afgelope paar  dae. Ons het sommer biki afgekoel in die waskom!

 

Kyk mamma! Dis heerlik.

 

Renda borsel "self" haar tande

 

Hier kruip Renda deur die tonnel. Sy kruip so vinnig dat die foto geblur het.

 

Ons luister musiek en klap saam hande. 

 

Renda begin nou opstaan teen alles. Sy loop nog nie terwyl sy aan die meubels vashou nie, maar dit sal nog kom.

 

In die kar toe ons vir pappa se tyres gewag het.

 

Ouma Arenda en Oupa Daan het ook saam gery

 

Kyk hoe mooi glimlag ek! daar is nog net die vier tande, die ander sal ook seker eers later kom.

 

Renda wil nou graag self eet. Dis biki van 'n gemors maar ek gee nie om nie.

 

Lekker vuil bekkie!

 

Kyk daar's mamma! Lekker in die bad. Sy is mal oor water

 

Ag! die ou gesiggie!

 

Renda wil nou self die boekies uithaal.

 

Hier is sy besig om te lees uit haar Kersfees boek.

 

Kyk, hier is die beertjies mamma!!

 

Lekker in die sproeiers saam met mamma.

Groete en liefde vanuit die de Beer huishouding!

9 Oktober 2011

Hallo al die vriende en familie wat ons blog volg. Sjoe! Ek het lanklaas ge-update, maar ons het 'n lekker vol program gehad intussen.
Die hoogtepunt was natuurlik die besoeke van die ooms en tannies, nefie en niggies van Melbourne en San Diego. En ons het heerlik gekuier. Thys was ook weer by die huis en dit was heerlik om hom hier te he. Renda het wonderlike tyd saam met hom gehad, sy is mal oor haar pa!

 

Hier slaap Renda.Sy het so ongemaklik gelyk, ek moes dit net afneem!

 

Ons is hier in die musiekklas, besig om te oefen. Ek gee het net een mallet op 'n slag,  anders is sy skoon deurmekaar!

 

Hier help Renda vir mamma om papiere te plak. (mamma het vergeet om die foto te draai!)

 

Mamma en Renda neem deel aan Bokke vrydag!

 

Op die wegbreek naweek saam met die familie. Renda was mal oor die water en het lekker geskop en spartel.

 

Kyk hoe lekker speel Renda saam met Rozelle! Uiteindelik het die twee mekaar ontmoet.

 

Elize trek in haar eie plekkie in. Hier is Renda op die vloer besig om ok vir Pappa te help!

 

Renda het nou begim kruip! Dit is pragtig om te sien. Sy werk nou om haar tempo op te stoot, en dit vorder noggal goed.

 

In die flower pot!

 

Kyk net hoe lekker is dit by my Pappa!!

 

Renda het Rozelle se verjaarsdagpartytjie vreeslik geniet!!

 

Kyk mamma! My eerste proe aan versiersuiker. (sy het haar gesig vreeslik getrek!)

 

Pragtig saam met al die nefies en niggies en ouma en oupa. Elmarie het so mooi met haar niggies gespeel en gekuier, sy was 'n ster met die babatjies!

 

Hier is Renda besig om naaldwerk te doen saam met Tannie Elize. Sy het haar eie maatband om haar nek!

 

 

Ouma se verjaarsdagete. Ons is uitgevat vir die geleentheid. Renda het die knippie by Rozelle en Tannie Bonnie gekry.( Baie verskillende kleure)

 

Kyk mamma! ek kruip die wereld vol!

Renda het nou begin om nog tande te sny. Ek sien vandag die boonste tweetjies is besig om te verskyn. Sy is maar bietjie knieserig as gevolg daarvan, maar is darem nie koorsig en vreeslik siek nie.

Sal almal steeds op hoogte hou van die doen en late hier by ons, vir eers is dit al.

Liefde vanuit die de Beer huishouding.

23 Augustus 2011

 

Hallo al die vriende en familie wat ons blog volg. Sjoe! dit gaan regtig maar lekker dol hier by ons en darom het ek so lanklaas aandag aan die blog gegee. Skies vir al die getroue volgers wat so lank moes wag om weer fotos te sien en nuus te lees!

 

Dit gaan goed met Renda en sy is nogsteeds my prinses! Hier speel sy weer met "punch the clown", sy geniet die ding vreeslik baie.

 

Sommer net vol glimlaggies!

 

Op koue dae soek ons 'n sonkolletjie in die huis waar ons kan speel, hier is sy op haar speelmat in die kamer.

 

Ek het eendag so voor die rekenaar gewerk terwyl sy op die bed was, toe ek weer kyk het sy haar sokkies uitgetrek en sien ek net 'n hand en 'n voet uitsteek, dit was te kostelik!

 

Sy geniet die stapel ringe baie, veral die eendjie!

 

Glimlag mooi vir mamma!

 

Hier is sy by haar laptop. As ek op die rekenaar besig is, werk sy ook op hare.

 

Sy sit hier saam met wit muis en sy kombersie

 

Het mos gese sy hou baie van die eendjie!!

 

Hier is sy weer stukke besig op haar laptop.

 

Sommer pret fotos met die pink outfit en wit truitjie.

 

Op die foto kan jy haar onderste twee tandjies mooi sien. Sy en ouma Arenda het sirkus gemaak met die kopdoek!

 

Nou 'n ernstige foto. 

 

My kar het gebreek en ons moes toe met pappa se bakkie ry, kyk hoe oulik lyk ek mamma!

 

Liefde vanuit die de Beer huishouding!

Gaan my bes probeer om gou weer te update.

7 Julie 2011

 

Hallo almal! Hier gaan dit goed al kry ons net baie koud. Renda was lekker besig die afgelope ruk en dit gaan baie goed met die poppie. Ek leer haar om water te drink uit 'n bekertjie. Die een op die foto het nou 'n strooitjie, so dit gaan maar stadig, maar sy probeer haar bes!

 

Ek het vir haar 'n ander bekertjie gaan koop wat 'n tuit vooraan het. Sy suig nog nie lekker nie, so ek laat die water maar net uit die tuitjie loop, sy is baie gretig om ook te probeer en dit sorg vir groot pret.

 

Kyk mamma!! ek kan self!

 

Badtyd bly maar die hoogtepunt van die dag. sy sit nou al mooi regop, elke dag vir 'n langer stukkie en sy is altyd vol smiles!

 

Lekker in die bad!

 

Sommer net 'n mooi foto waar sy vir mamma gekyk het so tussen die boekies lees en speel deur.

 

Ek het vir haar 'n glockenspiel gekoop. 'n duur, behoorlike een sodat die note darem op pitch is. Sy is mal daaroor!! Sy hou die mallet vas en slaan heerlik dat dit groot pret is!

 

Ons speel elke dag so stukkie op die instrument. Sy laat my heerlik lag as sy so speel en soms alles behalwe die glockenspiel raak slaan!

Dit was nou sommer so 'n vinnige en kort update oor die dinge hier by ons. Sal later weer nuus aanstuur.

Liefde vanuit die de Beer huishouding.