Hallo aan al die vriende en familie! Renda was gister 6 weke oud en sit gaan so goed hier by ons! Ons is bedrywig en aan die gang al is ons pappa nie hier nie. Die Potgieters het Sondag 9 Januarie by ons kom tee drink. Renda was natuurlik die ster en het dit so geniet om saam met hulle te kuier!
Oom Chris het die 11de Januarie verjaar. Hy was by die huis en Renda het dit baie geniet dat hy kom kuier het en spesiaal vir haar wou vashou.
Nou ja, Oupa Daan moet ok sy beurt kry on vas te hou, kyk hoe lekker glimlag Renda vir hom!
Hier is 'n baie trotse ma met haar poppie op die skoot.
Hier het ons sommer 'n lekker gesins foto geneem saam op die bed.
Hier het ons vir ouma Bettie en oupa Hans en Ewan gaan kuier. Ewan was natuurlik nie so beindruk met sy ouma wat nou haar aandag aan die nuwe niggie gee nie! Hy het nou noggal gemik om Renda se hare te trek. Toe sy ok nou net 'n ongemaklike oomblik beleef en bietjie knieserig is, besluit Ewan om haar voor te spring en trek toe luidkeels weg met goeie volume. Dit was vir my so kostelik en ek het lekker gelag!
Ons het die naweek bietjie in Kroonstad gaan kuier. Dit was Renda se eerste ver uitstappie en sy was wonderlik soet op die lang pad.Elize het bestuur en ek het agter by Renda gesit en haar geselskap gehou.
Dinsdag het ons die pediater gesien. Hy is 'n wonderlike man en werk pragtig met die klein babatjies. Dr. Mulder is baie tevrede met Renda en ek is so 'n trotse ma! Alles lyk goed. Sy weeg nou 4.55kg, is 56 cm lank en die koppie se omtrek is 38 cm. Dit gaan goed met al die voedings en Dr. se ek is baie gelukkig wat dit aanbetref. Ons het ook Renda se geboorte sertifikaat by die hospitaal gaan afhaal.
Vandag (Woensdag) het die bybelstudiegroep vreindinne van ouma Arenda en oupa Daan kom tee drink en kom kyk hoe mooi is Sussie. Mamma se vriendin Vicky het ook kom tee drink.
Ek het afspraak gemaak vir Sussie se inspuitings in volgende week. Hoop my swak hart sal dit hou! Het reeds vandag vir Elize gevra om emla room te gaan koop sodat ons die velletjie bietjie kan verdoof voor die inspuitings. Sal julle alles daarvan vertel in die volgende update.
Dit gaan goed met my en Renda hier by die huis sonder Thys. Elize help vreeslik baie en ek is bly dat sy hier is. Mis hom baie in die aande - die lee kol langs my op die bed, die opstaan in die nag om Renda se doek om te ruil en haar te gaan haal vir voedings en weer te gaan neersit. Maar ons is ok!
Sal later weer nuus aanstuur oor sussie se doen en late!
Liefde vanuit die de Beer huishouding
XXX
No comments:
Post a Comment