22 Desember 2010

Hallo aan al die vriende en familie! Renda was gister 2 weke oud. Sy is 'n pragtige klein mensie en ek en Thys geniet elke oomblik om ouers te wees. Elize is natuurlik die trotse tannie en help graag met sussie. Die pragtige ruiker is een van vele wat ons persent gekry het. Die een is spesifiek vir Renda gebring met liefde van die Potgieters. Thys het die roosplantjie wat oom Dries en tannie Elbet gebring het, in die tuin uitgeplant en ons gaan dit met liefde kweek en versorg - 'n roostuin vir Renda.

Ek was so verlig verlede week toe Renda van die ligte kon af. Sy was regtig al moeg gele op die blou space ship en ek was ok lus om haar meer te kan vashou. Sy het 'n totaal van 54 ure op die ligte spandeer. Die geelsug het mooi reggekom, maar sy kan nog geel lyk tot en met drie weke na die tyd. Vir my lyk sy al baie beter, maar mens kan sien dat die ogies maar nog geel is. Die lekkerste deel was natuurlik toe ons vir die eerste keer 'n outfit kon kies om aan te trek! Ek speel regtig lekker pop en geniet elke oomblik van ma wees. 

Kyk, ek weet almal het my vertel van die blues wat so op dag drie inkick. Het natuurlik niks daarvan beleef op die derde dag nie. My blues kick toe in op die sewende dag. (Sou dalk nie so erg gewees het as ek dit wel op die derde dag gehad het nie?!) Nou ja, soos julle my ken, doen ek niks half nie, en toe die blues slaan, kry ek dit met volle oorgawe. Liewe aarde, die trane loop, en loop, en loop. Arme Elize skrik haar dood en Thys hol weg om maar eerder TV te gaan kyk. Nou ja, Gelukkig was dit ook van verbygaande aard en die volgende dag was ek weer my ou self (met effense poffer ogies, maar geen krisis nie).  

Op die foto hier bo is 'n trotse ouma en naamgenoot.

                                      

Ons het Saterdag besluit dat ons Sondag graag kerk toe sal wil gaan. Natuurlik sodat almal ok in ons vreugde kan deel en vir sussie kan ontmoet. Nou ja, goeie voedings deur die nag en daar verslaap ons totaal en al Sondag oggend! Sussie se roep na kos het ons laat wakker skrik 8:20 en die diens begin 9:00! Ons het maar opgestaan en gaan tee drink by die oumas en oupas. Natuurlik is ons uitgevat vir die geleentheid!

Ons het Maandag ons eerste draai in die mall gemaak met Renda wat natuurlik deur die hele uitstappie geslaap het! Ons het beslis nie lank in die mall vertoef nie, gans en al te veel mense.

Dit is vir eers al die nuus vanuit die de Beer huishouding,

Baie liefde

Ons drie

12 Desember 2010

Hallo almal! Dit is vandag 12 Desember en ons is Donderdagoggend uit die hospitaal onslaan. Dr.Hogewind het Donderdag vir my kom se ek kan maar huis toe gaan en toe ek vra of ek nog 'n dag langer kan bly was sy antwoord : "nee, jy kan nie hier le en lui wees nie" Donderdagoggend het hulle Sussie kom toets vir geelsug (Jaundice - for English friends). Die telling was toe 199. (weet nie mooi wat dit presies beteken nie, maar sy is ok). Ek natuurlik dadelik virdie suster gese ek gaan nie huis toe sonder 'n baba nie! Ons moes net vir Sussie die volgende dag weer laat toets en dan sal ons sien wat moet die plan van aksie wees.

Sy drink pragtig en dit is vir my heerlik om haar te voed. Die ou voetjies is altyd so opgekrul as ons drink. Ek het maar lekker seer soos wat die steke trek en besig is om gesond te word. (Het nooit vir julle vertel dat ek are gepop het in my oe tydens die bevalling nie!) Het my natuurlik vrek gedruk! My oe voel al beter en lyk nie sleg nie. Thys is dierbaar!! Hy gaan haal elke keer deur die nag vir Renda sodat ek haar kan voed. Hy bring haar vir my, en na die tyd neem hy haar terug kamer toe en ruil en check die doek.Ek word eintlik heerlik bederf! Dit gaan maar moeilik so met die opstaan, en vat BAIE lank voor ek my sit het.

Ons het Vrydag middag vir Sussie hospitaal toe gevat sodat hulle weer die geelsug telling kan toets. Die keer was dit 232! Nou moet ons ligte kry en al die baie dinge! Thys bel toe die pediater se kamers en kry 'n nommer vir suster Marike du Toit. Sy het ligte en kom na jou huis toe om op te stel en babatjie te monitor. Sy was Vrydagaand net na 8 uur hier om ons te help. Sussie is nou onder die ligte al van toe af.

Suster Marike het weer Saterdagoggend 'n draai gemaak en bloed kom vat om Sussie se telling te check. Sy prik net die hak en vang dan die bloeddruppeltjies op. Toe kry Renda haar eerste pleister!! Suster Marike het Saterdagaand gebel om te hoor hoe dit gaan. Sy het mooi aan ons verduidelik dat die telling sal styg en Sussie nog geeler gaan word voor sy beter gaan wees. Die toets het gewys dat die telling nou 295 lees. Ons hou haar maar heeldag op die ligte en haal haar slegs af vir voeding, doek ruil en bad.  

Hier is ons patrysie op die "Starfleet Enterprise"

Ek verduidelik gou vir julle hoe werk die kontrapsie: Dit is soos 'n babygrow waarin jy letterlik die babatjie toemaak. daar is plek vir die armpies en dan zipjy die pakkie toe en dit maak bo vas met velcro. Ons moet haar soortvan op haar sy laat le, net met die doek aan en 'n kombersie bo oor die lyf wat dan alles toezip in die pakkie. Slegs een arm word deur die pakkie gesit sodat sy op haar sy kan wees. Sy woel en wriemel Vreeslik baie, en soms is die ander arm sommer ok deur die ander kant se mou. Toe skattie haar een keer gaan haal vir voeding, het sy die velcro oop, beide arms buite en die kombers tot onder in 'n bondeltjie geskop!!

Sy slaap eintlik so goed en word min of meer elke 3 ure wakker vir voeding. Sy het so mooi gelatch en drink baie goed. Soms is dit nogal bietjie gulsig (Soos wat ek choklits kan eet) en dan sluk ons maar winde. Die ou bekkie is te pragtig as dit so na die bors hap en dan die suigaksie as sy dit het! WOW! Op die foto hierbo lyk dit asof sy wil se : "Talk to the hand"

Badtyd is groot pret en ek dink sy geniet die water.

Dit is die storie vir vandag. Sal weer later update en seker maak dat julle weet van die doen en late van die de Beers in Wierdapark.

Liefde

Ons

7 Desember 2010

Renda is gebore op die dag! Wat 'n dag. Ek het opgestaan en so bietjie anders gevoel as die vorige dae. Het 'n afspraak gehad by die gyni om half 10, het my ma saamgevat want skattie was Coligny toe vir die dag. Ek het seker gemaak my tas, toiletries en makeup is in die kar. Het vir gyni gese my maag voel asof dit wil saamtrek, maar alles lyk nog ok. Sussie toe ok nog nie ingesak nie, en omdat sy reeds 3.6 kg weeg en my bekken volgens my voet size klein is, besluit ons toe op 'n keiser vir die 8ste Des net na 13:00. Ek moet 11:30 in die saal wees en dan werk ons van daar af. So is ek terug huis toe vir 'n tee afspraak saam met Leana. Ervaar toe eienaardige pyne so tussen die tee drinkery deur, maar hou my pose pragtig. Ek skakel nog die mediese fonds om te bevestig dat dit wel 'n keiser gaan wees. Het nog die middag 'n ooievaarstee vir Elrika. Ek bel toe die dokter se spreekkamer en se toe van die pyne wat so 15 min uitmekaar is. Hulle se toe ek moet maar hospitaal toe gaan sodat hulle net kan opservasie maak. Bel toe gou vir Stephanie om verskoning te maak vir Elrika se tee en aangesien sy alreeds 3 kidz het, vra ek toe sommer van die pyne. Sy se toe dat dit soos kontraksies klink. Nou ja, Thys in Coligny (3 ure se ry van pretoria), Elize by werk in jo'burg, ma en pa in restaurant, nou net klaar kos bestel, en ek met kontraksies! Skoonpa en -ma kyk na Ewan. Bel toe vriendin, Caren om te hoor of sy my kan vat. Sy nie by huis nie. Bel toe die Kerkkantoor en vra Tannie Minnie moet my hospitaal toe vat, kontraksies 15 min uitmekaar. (natuurlik gedink ek maak 'n lekker grap!) Sy kom haal my toe en hier vat ons die pad.Oppad het Doom Cassie net gebel om te hoor waar trek ons en dat ek moet onthou om asem te haal. Elize laat weet toe sy is oppad van jo'burg af en ek sal vir Thys laat weet wat gaan aan en wanneer hy moet begin ry om hier te kom. Is by die hospitaal so 13:10. Het definitief kontraksies en toe is dit sommer al teen 14:00 4 per 10 minute. Laat weet die dokter en besluit om keiser te skeduleer vir 17:00. Nou moet Thys net hier kom voordat Dr kan sny. Ek vul intussen vorms in en teken toestemmings vir alles wat nou moet plaasvind. Ma hulle daag toe ok hier op, en ek praat min en kreun baie! Intussen wag almal op hete kole vir Thys, want niks kan sonder hom gebeur nie. Ek is nog so kreun kreun toe voel dit assof daar 'n massiewe ontploffing plaasvind daar onder! Elize het heeltyd by my gebly terwyl ons vir skattie gewag het. Ek se toe sy moet iemand gaan roep, want hier het nou iets gebeur. Dit was 16:10. Dis toe my water wat gebreek het! Wat 'n nat spul! Die suster se toe dat sy net moet voel hoe ver ek alreeds ontsluit het. Aarde ons, 9 cm!!! Vinnig, vinnig op 'n rolstoel na die kraamkamer, nou te laat vir enige iets anders. Dokter word gebel, en ons wag nog vir skattie!! Ek asem solank gas in soos wat die kontraksies plaasvind. So ten minste drie happe per kontraksie. Skattie loop by die kraamkamer in 16:50 en dokter net kort op sy hakke. Daar begin ons met push! Met elke sametrekking so 3 drukke. Alles verloop so goed en teen 17:20 wip sussie letterlik uit met 'n boog! My oe natuurlik toegeknyp met elke push, en toe ek hulle oopmaak is sussie daar! Dit was WOW! Ek natuurlik die blyste dat Thys dit betyds gemaak het. Dokter Baie verbaas dat ek nie eers geskree of gegil het nie en dat sussie met so 'n boog haar verskyning gemaak het. Die plasenta het ook maklik uitgekom. Dokter moes knip en het toe gou toegewerk. Dit was bietjie erg vir my, en ek dink ek het sy arm lekker geknyp op 'n stadium. Dit was so lekker toe ek opkyk en my moedermamsie is ok daar. Elize het lekker fotos geneem. Ek het daarna gou gaan stort en voel toe darem weer soos 'n nuwe mens. Sjoe, daar is maar baie bloed na so 'n episode! Alles gaan goed hier by ons en ons sal die blog mooi op datum hou vir almal om te kan volg.